Дэпартамент па ядзернай і радыяцыйнай бяспецы
У навуковай установе «АІЭЯД-Сосны» пройдзе чарговая планавая інспекцыя МАГАТЭ
26 лістапада 2025 г. інспектары МАГАТЭ правядуць інспекцыю ў навуковай установе «АІЭЯД-Сосны», у рамках якой запланавана фізічная інвентарызацыя ядзернага матэрыялу, а таксама праверка вядзення справаздачнай дакументацыі.
Даведачна:
Пагадненне паміж Рэспублікай Беларусь і МАГАТЭ аб прымяненні гарантый у сувязі з Дагаворам аб нераспаўсюджванні ядзернай зброі было заключана 14 красавіка 1995 года. У нашай краіне кампетэнтным органам дзяржаўнай сістэмы гарантый вызначана Міністэрства па надзвычайных сітуацыях у асобе Дзяржатамнагляду, на які ўскладаецца, у тым ліку, забеспячэнне правядзення і суправаджэнне інспекцый МАГАТЭ.
Гарантыі МАГАТЭ з'яўляюцца неад'емным складальнікам міжнароднай сістэмы бяспекі і ўяўляюць сабой комплекс тэхнічных мер, якія прымяняюцца адносна ядзерных установак і ядзернага матэрыялу, якія выкарыстоўваюцца дзяржавамі.
МАГАТЭ імкнецца незалежна праверыць выкананне прававога абавязка дзяржавы, якi заключаецца ў тым, што ядзерныя ўстаноўкі не выкарыстоўваюцца не па прызначэнні, а ядзерны матэрыял не пераведзены з мірнага выкарыстання на вытворчасць ядзернай зброі або іншых ядзерных выбуховых прыстасаванняў. Дзяржавы згаджаюцца з прымяненнем гэтых мер шляхам заключэння Пагаднення аб гарантыях.
Іншыя навіны
