Дэпартамент па ядзернай і радыяцыйнай бяспецы
Работнікі Дзяржатамнагляду і НТЦ ЯРБ прынялі ўдзел у Міжнароднай канферэнцыі
Форум сабраў вучоных і спецыялістаў у галіне ядзернай фізікі і энергетыкі, выкладчыкаў ВНУ і работнікаў АЭС з Беларусі і Расіі.
Мерапрыемства было прысвечана абмеркаванню актуальных пытанняў менеджменту ядзерных ведаў, а таксама агляду найноўшых дасягненняў ва ўсіх галінах кіравання ядзернымі ведамі, лічбавых інструментаў і тэхналогій для шырокага выкарыстання ў ядзернай галіне, а таксама радыяцыйных тэхналогій.
Арганізатары вызначылі мэтай канферэнцыі – стварэнне ўмоў для плённага абмену вопытам і кампетэнцыямі сярод прафесіяналаў, якія займаюцца кіраваннем ядзернымі ведамі, і адначасова прадастаўленне спецыялістам у галіне ядзернай фізікі, ядзерных і радыяцыйных тэхналогій магчымасці знайсці сваё месца ў кантэксце кіравання гэтымі ведамі.
Удзельнікамі канферэнцыі сталі таксама і прадстаўнікі Дзяржатамнагляду і дзяржаўнай навуковай тэхнічнай установы "Цэнтр па ядзернай і радыяцыйнай бяспецы".
Наталля Гурновіч прадставіла даклад "Кіраванне відавочнымі ядзернымі ведамі: аснова для эфектыўнага рэгулявання ў галіне ядзернай і радыяцыйнай бяспекі". Таццяна Басенка выступіла з прэзентацыяй на тэму: «Інвестыцыі ў веды – уклад у бяспеку: сучасная парадыгма навучання і развіцця кадравага патэнцыялу Дэпартамента па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь», а Паліна Лесяк распавяла аб фармаванні нацыянальнай сістэмы ядзерных ведаў, інтэграцыі досведу які рэгулюxчага органа і інструментах практычнай рэалізацыі.
Дырэктар НТЦ ЯРБ Алег Любачка і навуковы супрацоўнік гэтай установы Арцём Буторын праінфармавалі ўдзельнікаў канферэнцыі аб праблематыцы класіфікацыі ядзерных ведаў у сістэме іх менеджменту.
Канферэнцыя стала важнай платформай для абмену ведамі і ідэямі. Яе ўдзельнікі выказалі ўпэўненасць, што правядзенне такіх форумаў будзе садзейнічаць развіццю навуковага патэнцыялу і ўмацаванню сувязей паміж спецыялістамі ядзернай галіны розных краін.
Іншыя навіны
