Дзяржатамнагляд удзельнічае ў пасяджэннях пад эгідай Камісіі дзяржаў – удзельніц СНД па выкарыстанні атамнай энергіі у мірных мэтах

У перыяд 16 – 17 снежня 2025 г. у г. Ташкенце праходзіць пасяджэнне Савета прадстаўнікоў кіруючага ўзроўню органаў рэгулявання бяспекі пры выкарыстанні атамнай энергіі дзяржаў-удзельніц СНД і пасяджэнне Камісіі дзяржаў-удзельніц СНД па выкарыстанні атамнай энергіі ў мірных мэтах (Камісія Атам-СНД).

Сёння пад старшынствам начальніка Дзяржатамнагляду Вольгі Лугаўской адбылося пасяджэнне Савета кіраўнікоў рэгулюючых органаў. У ім прынялі ўдзел прадстаўнікі Беларусі, Казахстана, Кыргызстана, Расіі, Таджыкістана, Узбекістана, Выканкама СНД, Сакратарыята камісіі Атам-СНД.

У ходзе мерапрыемства разгледжаны актуальныя пытанні супрацоўніцтва, якія датычацца шырокага кола напрамкаў рэгулюючай дзейнасці ў галіне ядзернай і радыяцыйнай бяспекі. Прадстаўнікамі Дзяржатамнагляду агучаны пытанні, якія датычацца дзейнасці рабочай групы па інфармацыйным абмене і ўзаемадзеянні рэгулюючых органаў пры ўзнікненні ядзерных і радыяцыйных аварый, магчымасці прымянення механізма партнёрскіх праверак па ацэнцы гатоўнасці нацыянальных ядзерных інфраструктур да рэалізацыі ядзерных энергетычных і неэнергетычных праграм і інш.

Пасяджэнне Савета таксама стала пляцоўкай для фармалізацыі двухбаковага ўзаемадзеяння Дзяржатамнагляду з рэгулюючым органам Казахстана. Падпісаны Мемарандум аб узаемаразуменні паміж Дэпартаментам па ядзернай і радыяцыйнай бяспецы МНС Рэспублікі Беларусь і Камітэтам атамнага нагляду і кантролю Агенцтва Рэспублікі Казахстан па атамнай энергіі.

17 снежня адбудзецца паседжанне Камісіі Атам-СНД. Яе ўдзельнікі разгледзяць пытанні рэкультывацыі тэрыторый, якія падвергліся радыёактыўнаму забруджванню, гарантаванню бяспекі даследчых рэактараў, выкарыстання неэнергетычных ядзерных тэхналогій, правядзення навуковых даследаванняў, падрыхтоўкі кадраў і іншыя.

Даведачна.

Савет прадстаўнікоў кіруючага ўзроўню органаў рэгулявання бяспекі пры выкарыстанні атамнай энергіі дзяржаў - удзельніц СНД утвораны ў студзені 2022 года па ініцыятыве Дзяржатамнагляду. Яго задачы - выяўленне агульных праблем у галіне рэгулявання ядзернай і радыяцыйнай бяспекі, вызначэнне агульнага падыходу да рэгулявання ядзернай і радыяцыйнай бяспекі аб'ектаў выкарыстання атамнай энергіі, павышэнне эфектыўнасці, якасці і адкрытасці дзейнасці органаў рэгулявання ядзернай і радыяцыйнай бяспекі.

Пасяджэнні Савета праводзяцца штогод. Папярэдняе паседжанне адбылося ў снежні 2024 г. у г. Ніжнім Ноўгарадзе (Расійская Федэрацыя).