Калегія Дзяржатамнагляду падвяла вынікі працы за 2025 год

9 студзеня 2026 г. адбылося паседжанне калегіі Дзяржатамнагляду, прысвечанае падвядзенню вынікаў працы за 2025 год і пастаноўцы задач на I паўгоддзе 2026 года.

Удзельнікам пасяджэння была прадэманстравана прэзентацыя з аглядам асноўных вынікаў за мінулы год.

З дакладам "Аб выніках службовай дзейнасці ў 2025 годзе" выступіў намеснік начальніка Дэпартамента Рыгор Асташка. Ён падрабязна спыніўся на дасягнутых выніках, асабліва адзначыўшы праведзеную работу па ўдасканаленні і развіццю нарматыўнай прававой базы ў сферы ядзернай і радыяцыйнай бяспекі.

Тэмай выступлення першага намесніка начальніка Дэпартамента Леаніда Дзедуля сталі пытанні рэгулюючага кантролю ў галіне аварыйнай гатоўнасці і рэагавання.

У дакладзе намесніка начальніка Дэпартамента Дзмітрыя Паўлава былі падведзены вынікі працы, што датычыцца абыходжання з радыёактыўнымі адходамі і аб'ектамі ядзернай спадчыны.

На заканчэнне пасяджэння начальнік Дзяржатамнагляду Вольга Лугаўская падрабязна спынілася на асноўных задачах, якія трэба будзе вырашыць калектыву ў гэтым годзе.

Яна звярнула ўвагу ўдзельнікаў пасяджэння на планы кіраўніцтва краіны па развіццю атамнай галіны ў бліжэйшай перспектыве, у тым ліку будаўніцтва трэцяга энергаблока Беларускай АЭС, а таксама магчымае пабудаванне другой атамнай электрастанцыі. У сувязі з гэтым спатрэбіцца далейшае развіццё інфраструктуры бяспекі, удасканаленне сістэмы ядзернага права і нарматыўнай прававой базы. Чакаецца з'яўленне новых прэтэндэнтаў на атрыманне ліцэнзій і спецыяльных дазволаў на ажыццяўленне дзейнасці з ядзернымі матэрыяламі і крыніцамі іянізавальнага выпраменьвання, што ў сваю чаргу запатрабуе развіцця сістэмы нагляду. Трэба будзе вырашыць цэлы комплекс задач па абыходжанні з радыёактыўнымі адходамі. Патрабуе актывізацыі праца па навуковым і тэхнічным суправаджэнні рэгулючай дзейнасці.

Таксама ў сваім выступленні начальнік Дэпартамента падкрэсліла, што ў новым годзе пачынаецца работа па рэалізацыі падпраграмы 2 "Радыяцыйная бяспека" новай Дзяржаўнай праграмы "Інфраструктура бяспекі насельніцтва на 2026 – 2030 гады".

Па выніках разгляду парадку дня члены калегіі адзначылі агульную пазітыўную тэндэнцыю па асноўных паказчыках работы, абмяняліся думкамі па абазначаных пытаннях, прыярытэтных напрамках дзейнасці Дзяржатамнагляду і вектарах іх развіцця.